Не е толку едноставно како што звучи, но постојат многу причини за оптимизам. За некои луѓе готвењето е релаксирачка активност. Ако сте во свој свет кога готвите, тоа може да биде добар начин да „заборавите“ на анксиозноста. Всушност, фокусирањето на некоја активност е главното „оружје“ во борбата против анксиозноста, пишува „Psychology Today“.
Ако можете престанете да размислувате за проблемите што ве чекаат наутро на работа или слично и концентрирајте се на моментот кој се случува, а готвењето е идеално решение.
На пример, многу луѓе велат дека нивните раце се валкани за време на готвењето, па затоа не можат да ја проверат електронската пошта или да листаат на социјалните мрежи.
Уште еден начин на кој готвењето може да ја смири вознемиреноста е нешто што експертите го нарекуваат позитивна психологија. Се објаснува така што ако се преокупирате со нешто што не е претешко, доаѓате до некој моментот кога активноста се случува сама по себе и ја поправа општата ментална и физичка состојба на организмот.
Истражувањето покажало дека готвењето на многумина им носи смирување, бидејќи на крајот има некаков завршеток. Така се чувствуваат продуктивно. Следењето на рецептот значи дека мозокот мора да се концентрира на нешто друго и логиката налага да престане да „мисли“ на анксиозност, а хемиските процеси потоа сами од себе прават да се ослободуваат други хемикалии кои ќе ја тргнат анксиозноста. На крајот, задоволство на мозокот создава и наградата, а тоа е самиот оброк.
Експертите предупредуваат дека не мора да се оди толку далеку за готвењето да се нарече „терапија“, но важно е да се започне и да се тестира како функционира. Не треба да бидете врвен готвач, може да испечете и замрзна пица во рерна.
