Американската академија за педијатрија неодамна објави препораки кои се однесуваат на консумирањето овошни сокови. Имено, бебињата помлади од една година, според нив, не би требало воопшто да пијат сокови. Стручњаците сметаат дека децата во овој период, кога почнуваат да внесуваат цврста храна, покрај мајчиното млеко или формулите немаат потреба за овошни сокови.
Децата на возраст од 1 до 3 години не би требало да пијат повеќе од 120 мл сок, а од 4 до 6 до 180 мл сок. Постарите деца и тинејџерите не би требало да пијат повеќе од 236 мл сок дневно. Целта на овие препораки е превенција од дебелина кај децата и адолесцентите, но, исто така, и намалување на ризикот од појава на кариес.
- од 1 до 3 години < 120 мл сок
- од 4 до 6 години < 180 мл сок
- постари деца и тинејџери < 236 мл сок
