Нормално е нивото на хормоните да се менува во различни периоди од животот – пред и за време на менструалниот циклус или бременоста или за време на менопаузата. И некои лекови и здравствени проблеми може да предизвикаат хормонални промени.
Понекогаш нашите тела ни испраќаат сигнали кои се премногу очигледни за да ги игнорираме. Кашлање, кивање и температура? Веројатно имате настинка или грип. Но, во други случаи, сигналите што ни ги испраќа нашето тело се многу посуптилни и ако не знаете што барате, едноставно може да пропуштите јасна порака дека нешто не е во ред.
Еве кои знаци укажуваат на хормонална нерамнотежа.
- Постојано сте исцрпени
Уморни цело време? Како и вашите надбубрежни жлезди. Тоа се ендокрини жлезди кои лежат над бубрезите и го ослободуваат хормонот на стресот познат како кортизол. Ако храната и начинот на живот го отфрлаат нормалното производство на кортизол од надбубрежната жлезда, може да почнете да го чувствувате спротивното од она што треба. Односно уморно и летаргично. Исклучете го кофеинот бидејќи тој ги влошува симптомите и го продолжува тој заморен циклус. Ако не можете целосно да го исфрлите, барем намалете го на една шолја дневно. Започнете го денот со здрав појадок кој содржи протеини за да го избалансирате шеќерот во крвта и да ги подобрите шансите да се чувствувате задоволно и полни со енергија.
- Обилно крварење со згрутчувања
Ако морате да ја менувате хигиенската влошка или тампон секој час и редовно ви остануваат дамки на креветот, тоа е знак дека нешто не е во ред со вашето ниво на естроген. Премногу естроген е поврзан со овој тип на прекумерно крварење и може да биде симптом на нешто посериозно (ендометриоза, миом на матката или циста на јајчниците), особено ако менструалните циклуси ви се болни.
- Проблеми со кожата
Една од најчестите причини за појава на акни во зрелоста е синдромот на полицистични јајчници, а кај него акните типично се распоредени на долната половина од лицето и долж линијата на вилицата.
- Варирање на телесната тежина
Кога нивото на естроген се намалува (во менопауза), апетитот ви се зголемува бидејќи падот на естрогенот може да влијае на нивото на лептин, хормон кој поттикнува глад. Но, може да дојде и до изненадно губење на тежината. Тироидната жлезда помага во контрола на брзината со која телото ја претвора храната во гориво, како и отчукувањата на срцето и температурата. Кога произведува премногу или премалку хормони, телесната тежина може да се намали. Ако сте изгубиле 10 килограми или повеќе, а сте престанале да вежбате или да држите диета, информирајте го вашиот лекар.
- Промени во градите
Падот на естрогенот може да доведе до намалување на густината на ткивото на дојките, а зголемувањето на неговото ниво може да предизвика згуснување на ткивото, дури и да предизвика нови јазли или цисти. Обратете се кај вашиот лекар ако забележите промени во градите, дури и ако немате други симптоми.
