Според новата анализа објавена во медицинското списание The Lancet, земјите не би требало да ги олеснуваат и да попуштаат со мерките на затворање поради пандемијата со коронавирусот се додека не исполнат пет критериуми.
Според истражување објавено пред два дена, постојат пет критетриуми кои земјите треба да ги задоволат за да можат да попуштат со мерките на целосно затворање и изолација.
- Познавање на статусот на заразата
- Вклучување на заедницата
- Соодветни јавно-здравствени капацитети
- Соодветни капацитети на здравствениот систем
- Контрола на границите
Авторите на студијата набљудувале девет богати земји кои почнале со попуштање на мерките, Хонг Конг, Јапонија, Нов Зеланд, Сингапур, Јужна Кореја, Германија, Норвешка, Шпанија и Велика Британија. Откриле дека владите не ги исполниле критериумите со кои би избегнале нов бран на инфекцијата, како што се случило во Шпанија, Германија и Велика Британија.
“Доказот е јасен. Ако повторно се јавува болеста и зголемен број на случаи, земјите се отвориле прерано“, вели коавторот на студијата Мартин Меки, професор по европско јавно здравство на Школата за хигиена и тропска медицина во Лондон.
Еден од резултатите на студијата бил и дека за повторно безбедно отворање на економиите и земјите, потребен е ефикасен систем за пронаоѓање, испитување, следење, изолација и поддршка на заболените и заразените.
