Црниот дроб е еден од виталните органи, што значи дека функцијата што ја извршува е нужна за целиот организам.
На бројни причини кои го оштетуваат црниот дроб може да се влијае со промена на животните навики, но понекогаш тоа не е случај. Сепак, свесноста за нив може да помогне навреме да се реагира и да се спречи најлошо можно сценарио кога се во прашање болестите кои го напаѓаат црниот дроб.
ИНФЕКЦИИ
И покрај тоа што нашиот имун систем многу ефикасно се бори против бројни вируси кои го напаѓаат организмот, повремено вирусот победува и се населува во организмот, а проблемот се појавува кога ќе заврши во црниот дроб. Имено, кога ќе дојде до инфекција, може да дојде и до воспаление на црениот дроб, што може значајно да ја намали функционалноста на овој орган.
Вирусни инфекции кои предизвикуваат оштетување на црниот дроб, се јавуваат многу почести отколку што мислиме. Хепатитис А, Б и Ц се само некои од честите вирусни заболувања кои го оштетуваат црниот дроб.
РАК НА ЦРНИОТ ДРОБ
Било кој сериозен здравствен проблем кој има врска со црниот дроб може да го оштети овој витален орган, а еден многу чест и драстичен пример е ракот на црниот дроб. Постојат многу сериозни компликации поврзани со ракот на црниот дроб и затоа тое не нешто што треба да се сфати сериозни. Бројни се ризик факторите за појава на овој вид на карцином.
Според медицинските стручњаци, некои од работите кои значајно може да го зголемат ризикот од рак на црниот дроб се долготрајни инфекции, дебелина, дијабетес тип 2, и секако алкохолизмот.
АВТОИМУНИ БОЛЕСТИ
Оштетувањето на црниот дроб понекогаш не го предизвикуваат начинот на живот и прехранбените навики. Во некои случаи за тоа може да се обвини имуниот систем на поединецот. Едноставно, имуниот систем верува деја црниот дроб е закана и треба да го елиминира. Тоа може да предизвика воспаление на црниот дроб.
Многу чест пример на оштетување на овој орган предизвикан од имуниот систем се нарекува автоимун хепатитис.
ГЕНЕТСКА ПРЕДИСПОЗИЦИЈА
Одредени гени кои родителите може да ги пренесат на потомството, може да ја зголемат веројатноста некои здравствени состојби ќе се појават порано или подоцна. Според стручњаците, оштетување на црниот дроб може да предизвикаат и гените.
Пример за тоа е Вилсоновата болест која се карактеризира со таложење на прекумерна количина на бакар цо различни органи во телото, вклучителни и во црниот дроб.
