Главоболката е досадна, но доста честа болка која може да се појави поради повеќе причини. Кога чувствуваме главоболка, прво може да помислиме дека не сме испиеле доволно течности или дека сме поминале премногу време пред екраните.
Всушност, главоболката може да се појави и од други причини. Следниве три причини се исто така доста чести.
- Неправилно држење
Неправилното држење на телото може да предизвика различни проблеми, вклучително и главоболка, бидејќи создава голем притисок на вратот, што може да доведе до главоболки.
- Предолго седење
Доколку во текот на денот поминуваме многу време седејќи без соодветни паузи, притисокот во вратот се влошува, што повторно може да биде причина за главоболки. Доколку имате работа која бара од вас да седите поголемиот дел од времето, важно е барем еднаш во еден час да станете и малку да се протегнете.
- Несоодветна перница
Пожелно е да спиеме 8 часа дневно, што е една третина од денот, па не е чудно што сонот влијае и на нашето здравје. Ако немаме соодветна перница за поддршка на вратот, тоа, меѓу другото, може да доведе до главоболки.
Ако имате чести главоболки, размислете за вашиот животен стил и како би можеле да го промените. Ако, по корекции на однесувањето, сè уште се појавуваат главоболки, консултирајте се со лекар.
