Животниот век континуирано се продолжува и денес веќе не е толкава реткост да се сретне човек кој има 100 години. Тајната на долговечноста и натаму не е целосно разјаснета, па бројни истражувања се занимаваат токму со оваа загатка. И тоа на бројни степени – од генетски студии, преку истражувања на метаболичките промени, воспаленијата, начинот на исхрана и телесната актовност со влијанието на околината.
Последната студија од годинава, објавена во списанието Circulation, открива пет здрави навики кои можат да го продолжат животот за повеќе од една деценија. Така, освен правилната исхрана, на листата за долговечност се наоѓа и редовната физичка активност, одржувањето на саканата телесна тежина, непушењето и нискиот внес на алкохол.
Во истражувањето научниците анализирале податоци на 78 865 жени кои ги собирале вкупно 34 години, како и податоци за 44 354 мажи собрани за 27 години. Тие проучувале како нискоризичните фактори на животниот стил (непушење, нормален индекс на телесна маса, 30 минути умерена до интензивна телесна активност дневно, умерен внес на алкохол како пет до 15 г алкохол дневно за жени и пет до 30 г за мажи, како и правилната исхрана) влијаат на смртноста.
Усвојувањето на која било од овие пет здрави навики се покажало корисно за намалување на ризикот од кардиоваскуларнни заболувања, дијабетес и карцином. Но, позитивниот ефект на здравјето би бил значително поголем ако се применуваат сите пет навики.
Авторите процeниле дека со усвојување на сите пет здрави животни навики, животниот век се продолжува за просечно 14 години кај жените и 12,2 години кај мажите, во споредба со испитаницте кои не усвоиле ниту една од бараните навики. Дополнително, во споредба со лицата кои не се придржувале на нискоризичниот животен стил, оние со здрави навики нимале за 74 % помал ризик од смрт во текот на траењето на ова истражување.
