Веќе е познато колку видови вакцини денес се достапни за вакцинација, а сите се ефикасни кај заштитата од болеста КОВИД-19. Барем кога се работи за “оригиналниот“ вирус.
Една од главните грижи што не мачи сите е прашањето дали тие исти вакицини ќе ну обезбедат ефикасна заштита од новите варијанти на вирусот кои полесно се пренесуваат, а понекогаш се и посмртоносни и се широко распространети.
Еве што д-р Ентони Фаучи, претседател и директор на Националниот институт за алергии и заразни болести одговара на најважните прашања поврзани со оваа загриженост на целото население.
Лоша вест? Новите варијанти на коронавирусот стануваат подоминантни
Д-р Рошел Валенски, директор на Центарот за превенција и контрола на болести потврди дека новите варијанти на вирусот стануваат подоминантни, додавајќи дека, според последните податоци, тие чинат 26 проценти од вирусите кои во моментов циркулираат во светот.
“Се разликува според регии, па некаде чини дури 36 проценти, но се чини дека стануваат доминантни во повеќето регии“, објаснува тој.
Добра вест? Вакцините нудат заштита од нив
Д-р Фаучи со свои податоци ја поткрепи оваа изјава дека вакцините кои ни се достапни штитат од новите варијанти на вирусот, а бројни студии тоа го потврдуваат.
“Гледаме дека доаѓа до заштита на имунитетот од болеста КОВИД-19 кога поединецот се вакцинира против вирусот и на основа на одговорот на антитела“, додава.
ПОЕНТА: ВАКЦИНИРАЈТЕ СЕ!
Д-р Фаучи одново ја нагласува важноста на вакцинацијата и наведува дека токму тоа е поентата на се што зборува. Тој додава дека вакцината не само што штити од познатите видови на вирусот, туку има и потенцијал да, во помала или поголема мера, штити и од разни варијанти на вирусот. Кога вакцината ќе ви стане достапна, вакцинирајте се.
Какви пријави за несакани реакции има до денес од вакцините против КОВИД-19?
Најчесто пријавени несакани реакции биле зголемена телесна температура, болка на местото на убод од вакцината, главоболка, болки во мускулите, треска, општа слабост, замор, црвенило на местото на вакцината, гадење и болки во зглобовите. Овие се очекувани несакани ефекти, кои често се јавуваат, се слични на несаканите ефекти од другите вакцини и обично се со благ до умерен интензитет и поминуваат спонтано во текот на неколку дена или со примена на симптоматска терапија (на пр. студени облоги, лекови за намалување на телесната температура и лекови против болки).
Одредена пријава може да содржи неколку несакани ефекти (на пример, некое лице може да доживее главоболки, покачена телесна температура и болка на местото на инјектирање).
Меѓу сериозните несакани ефекти, најчесто биле забележани реакции на пречувствителност кои се манифестирале како осип и чешање брзо по вакцинацијата.
