Молекуларниот биолог проф. Игор Штагљар од Универзитетот во Торонто смета дека навременто вакцинирање против грип пред почетокот на есента кога доаѓа и сезонскиот грип е од исклучителна важност.
Тој на прашањето што ќе се случува кога меѓу населението ќе појави мешање на сезонскиот грип и новиот коронавирус одговара:
“Никогаш до сега не било поважно да се вакцинира против грип и затоа препорачувам навреме да се вакцинираме. И грипот, како што е познато, може исто така да предизвика тешки симптоми како воспаление на белите дробови што повлекува хоспитализација на таквите пациенти, а неретко мора и да се спасуваат со помош на респиратор.
Мислам дека сега на сите им е јасно дека оваа есен и зима не очекува втор бран на КОВИД-19. Токму поради тоа, со вакцинирањето против грип може да се намали бројот на потешко заболените од грип, оти е докажано дека таа вакцина е ефикасна во речиси 50 проценти од случаевите. Со други зборови, со вакцинирањето против грип оваа есен се обезбедуваат 50 проценти од болничките капацитети во корист на пациентите со тешки последици од КОВИД-19.
Секако, постои и можност некое лице истовремено да се зарази со двата вируса, значи и со вирусот на грип и со вирусот SARS-CoV-2. Во тој случај, нашиот имун систем не би можел да се бори против двата вируса истовремено и веројатноста тоа лице да почине е многу голема“, објаснува биологот Штагљар за хрватските медиуми.
