Студијата е објавена во магазинот „Sleep“, а покажува дека пореметувањето на дишењето при спиење, како што е апнеата може да го забрза стареењето. Трудот бил објавен на 3. собир на Сојузот на професионални здруженија за спиење во Сан Антонио. ’Рчењето е еден од вообичаените показатели на здравстени тегоби, а, според проценките, во САД речиси 30 милиони возрасни личности боледуваат од опструктивен апнеички синдром.
Студијата покажала дека пореметувањето на дишењето во сон може да го „остаре“ телото на оние кои ’рчат за 215 дена.
„Биолошката старост на луѓето не мора да одговара на нивното хронолошко доба“, вели Ксијао Ли, авторка на стдуијата и научник во Школата за јавно здравје во Бостон. „Нашите податоци пружаат биолошки докази за создавањето на негативните физиолошки и здравствени ефекти ако пореметувањето на дишењето при спиењето не се лекува.“
За потребите на студијата научниците ја анализирале здравствената состојба на 622 возрасни личности, нивното спиење и метилација на ДНК. Резултатите покажале дека жените се склони на побрзо биолошко стареење од мажите ако патат од пореметување на дишењето при спиење. Меѓутоа, авторите на студијата напоменуваат дека во таа смисла е потребна дополнителна студија.
„Често се смета дека жените се помалку изложени на здравствени тегоби поврзани со ’рчењето, но нашата студија дала поинакви резултати“, вели Ли.
Сугерираат дека е потребно да се спроведе уште едно истражување со кое би се утврдило дали може лекувањето на пореметувањето на дишењето при спиење да го намали епигенетското забрзано стареење. До денес пореметувањата на дишењето при спиење вообичаено не се дијагностицираат, ниту се лекуваат. Но ако науката утврди дека на кој било начин пореметувањето на дишењето за време на спиењето влијае на стареењето, ќе може да се фокусира на откритието на интервенциите кои би можеле да помогнат да се продолжи животот.
