Според резултати на ново истражување, лицата со прекумерна тежина кои биле изложени на рендгенско зрачење имаат поголем ризик од развој на рак, поради поголемата доза на зрачење што е потребна за добивање на соодветна слика.
За време на рендгенското снимање дел од телото е изложен на мали дози на јонизирачко зрачење. Но, рендгенското зрачење може да предизвика потенцијално штетни ефекти. Ризикот од оштетувања на ткивата се зголемува со зголемување на применетата доза. Инаку, дозите зрачење се одржуваат што е можно пониски, а истовремено да се постигне задоволувачки квалитет на сликата.
Потребната доза зрачење зависи од тоа кој дел од телото се снима, како и градбата на самиот пациент. Колку зрачењето потешко стига до целното подрачје, толку е потребна поголема доза на зрачење. Кај лицата кои имаат исклучително голема телчесна тежина потребни се многу поголеми дози на зрачење, за да се добие потребна и задоволителна слика, во споредба со лицата со просечна телесна тежина.
