Семките од тиква се идеална и здрава ужина која нема да ви додаде вишок килограми, туку напротив ќе допринесе за одржување на здравјето на срцето и за одржување на нивото на крвниот притисок. Семките од тиква се одличен извор на омега 3 масни киселини кои освен за одржување на кардиоваскуларното здравје се одлични и како превенција на карциномите, за здравјето на простатата, но и за ублажување на симптомите на менопаузата.
Превенција од рак
Истражувања од шпанските научници покажува дека семките на тиквата успешно се борат со клетките на ракот, а потврдено е дека жени во менопауза, кои секој ден јаделе семки од тиква имале за 23 отсто помал ризик да заболат од рак на дојката.
Го одржуваат здравјето на простатата
Маслото од семки од туква се користи за лечење на зголемена простата. Ова масло содржи фитохемикалии и антиоксиданси кои го намалуваат нивото на слободните радикали во телото и спречуваат настанување на канцерогени клетки.
Ги ублажуваат симптомите на менопаузата
Доколку барате природен начин да го подобрите расположението и да ги ублажите симптомите на менопаузата, грицкањето семки од тиква е идеален избор. Ги регулираат нападите на жештини, главоболката, ја намалуваат болката во зглобовите и ја намалуваат промената на расположенијата.
Намалуваат холестерол
Истражувањата потрдуваат дека семките од тиква можат да го намалат нивото на лошиот холестерол за 13 отсто, а нивото на вкупниот холестерол за 10 отсто. Исто така се намалува ризикот од згрутчувања на крвта, болести на кардиоваскуларниот систем, мозочен или срцев удар.
