Витамините Ц, А и Б се најважни за зачувување на имунитетот и превенција од вируси и бактерии. За среќа, сите може да се внесат во организмот преку храната.
Цитруси – Витамин Ц
За подобра отпорнот во студените денови најдобро е да јадете цитруси – портокал, лимон и грејфрут. Содржат голема количина на витамин Ц. Грејфрутот заради своите лековити својства е најкорисен, но не се препорачува повеќе од еден на ден. Овој цитрус заменува и некои лекови, па не е лошо да се консултирате со доктор. Добра практика е наутро, пред појадок, да се испие чаша цеден сок.
Чир на желудник, болни зглобови… овие болести може да не нападнат на есен
Спанаќ – витамин Б и Ц
Покрај брокулата, спанаќот е зеленчук кој содржи големи количини на коензим Q10. Изобилува со витамин Б, па затоа штити од канцерогени заболувања, болести на крвниот систем и срцето, го подобрува видот, кожата ја прави поубава. И брокулата е одлична за одржување на имуниот систем, бидејќи содржи витамини Б, Ц, калциум и бетакаротен. Темнозелениот зеленчук е добар извор на витамини А, Ц и Е, како и фолна кисеина, затоа погрижете се овој зеленчук секогаш да биде на вашата маса, особено во есенскиот период.
Кромид и лук – железо
Лукот и кромидот се одличен лек против разни болести. Содржат многу железо, па се препорачуваат на лица кои боледуваат од анемија. Во стар Египет, со кромид и лук се лечеле забоболки, проблеми со кожата, ушите, дишните патишта и слабокрвност. Настинката може да ја спречите, а отпорноста да ја зголемите со овој домашен рецепт: Исечкајте пет чешниња лук и додадете ги во сад со мед. Додадете малку каен пиперка или ѓумбир и оставете да одстои еден час. Кога следниот пат ќе настинете, земете една лажица од овој лек.
Морков – Витамин А
Одличен извор на здрави состојки е сокот од морков. Морковот содржи повеќе бетакаротен и витамин А од кој било друг зеленчук. Изобилува со калциум, фолна киселина, железо и пектином.
Пиперка – витамин Ц
Пиперката содржи многу каротениоди и витамин Ц. Ја чисти слузницата и го поттикнува искашлувањето. За природно јакнење на имунолошкиот систем, најважно е да земате разноврсна храна, многу овошје и зеленчук, и најмалку осум часа сон дневно. Исто така, избегнувајте стрес и вежбајте кога и да можете.
