Ендометриозата е состојба во која ткивото на матката расте и ги зафаќа другите делови од телото – јајцеводот, јајниците, надворешниот дел на матката, дебелото црево. За време на менструалните циклуси ткивото се оштетува и предизвикува болни атхезии или рани Најчести симптоми за ендометриоза се пред или после менструалниот циклус. Кај некои жени може да се јават за време на сексуален однос, при придвижување на цревата или при уринирање. Болката може да ја почувствувате во пределот на карлицата или долниот дел на грбот. Причините за ова заболување не се точно познати, но докторите имаат неколку теории. Се споменува наследноста, клетките да се најдат уште со самото раѓање, клетките кои содржат менструална крв наместо да излезат целосно надвор тие се враќаат назад низ јајцеводите до карличната празнина.
Доктори од Британија порачуваат дека одложената дијагноза е голем проблем за многу жени со ендометриоза што ги води до години на непотребни страдања. Таа состојба е тешко да се дијагностицира бидејќи симптомите знаат да варираат и да се разликуваат. Сепак, откако ќе се дијагностицира, постојат ефективни третмани кои ќе ги олеснат болките кај жената.
Ова е почеста појава кај жени кои:
– Се во триесетите и четириесетите;
– Никогаш немале деца;
– Имаат менструални циклуси подолги од 7 дена;
– Имаат циклуси помали од 28 дена;
– Менструалниот циклус им започнал на 12-годишна возраст;
– Имаат мајка или сестра која имала ендометриоза.
Третман:
Постојат повеќе видови третмани кои ќе ги ублажат овие симптоми, сето тоа зависно од степенот и фазата на ендометриозата. Лековите за болка обично помагаат во намалување на болката и грчевите, но тие помагаат само во лекување на болката, а не и на ендометриозата во целост.
