Иако најдобар избор е обична вода, луѓето често пијат специјални спортски напитоци или некои модерни варијанти, кокосова вода, мислејќи дека организмот доволно ќе се хидрира. Освен тоа, многумина преку цел ден пијат кафиња, газирани пијалоци, па и алкохол, а сите тие напитоци само ја забрзуваат дехидратацијата.
Алкохолот е диуретик, што значи дека прави телото побрзо да ги исфрли течностите и не тера често да одиме во тоалет. Природна реакција е да помислите дека не би требало тогаш да пиете вода, но токму тоа треба да се направи. Кога пиете алкохол, секогаш треба да пиете и многу вода. Така ќе спречите дехидратација и помали се шансите за мамурлук.
Пијалоците кои содржат кофеин исто така може да предизвикаат симптоми на дехидрација. Кафе, чај, енергетски пијалоци, сето тоа содржи кофеин и сите овие напитоци имаат слаб диуретски ефект, па веројатно ќе имате чувство дека устата ви е сува, а ако претерате, ќе почувствувате и главоболка.
Овошните сокови, газираните напитоци со шеќер и слични пијалоци со висока содржина на шеќери, на телото му оневозможува да апсорбира вода која му е неопходна.
Спортските напитоци донекаде се од помош, бидејќи често содржат електролити и натриум кој помага да се надомести водата која недостасува, но овошните сокови немаат доволно натриум за да се постигне тој ефект. Ако ви се толку неопходни соковите и не можете без нив, обидете се барем тие напитоци да ги помешате со вода. Така ќе внесете помалку шеќери, а и некои време нема да чувствувате жед.
