„Низа истражувања покажале дека музиката позитивно влијае на спортските резултати“, рекол Инго Фробос, директор на Центарот за здравје при германската школа за кинезиологија во Келн и додал дека ова посебно се однесува за вежбите со постојан ритам, како што се трчањето или возењето велосипед.
„Музиката, на пример, го одвлекува трчачот од напорот, насочувајќи го кон околината и притоа создава позитивно расположение“, истакнува Фробос.
Поради ова спортистите тренингот го доживуваат помалку напорен, а тоа ја зголемува нивната ефикасност. Музиката во исто време може да помогне и во, на пример, одржувањето на ритамот на трчање и придонесува за поопуштено трчање. Дишење е подлабоко и ритмичко, при што мускулите добиваат повеќе кислород.
Но Фробос предупредува дека не е секогаш добра идејата да се вежба со музика, бидејќи ефектот на вежбите во некои случаи се намалува, затоа препорачува секој трет тренинг да се одвива без музика. Почетниците ги советува да водат сметка за тоа, темпото и интензитетот на музичкиот избор да не биде премногу брз бидејќи во спротивно може да дојдат во искушение да ги надминат границите на сопствените можности.
