Симптомите за ревматоиден артритис се влошуваат во студените и влажни денови, поради што есента и зимата за пациентите кои имаат проблем со оваа болест се пеколен период.
Ревматоидниот артритис е воспаление при кое болките може да бидат присутни преку ден и навечер, а карактеристично за ова заболување е утринската вкочанетост која може да трае и подолго од еден час. Најчесто се јавува во триесетите години од животот, но не ги одминува и децата.
Студените и влажни денови значително ја влошуваат состојбата кај заболените, па во текот на есента и зимата болките и симптомите се најчести и со најсилен интезитет.
„Неподносливата болка предизвикана од деформација на зглобовите, она со што заболените од ревматоиден артритис живеат, неопходно е освен препишана орална и физикална терапија, да користит и топикални анелгетици за да ја намалат болката и да го олеснат секојдневното функционирање„, потенцираат лекарите.
Ревматоидниот артритис е автоимуна, хронична болест, која најмногу ги загрозува зглобовите на шаките и стопалата и доведува до непоправливи оштетувања, па дури и неподвижност.
Точната причина за ревматоидниот артритис не е позната, иако наследниот фактор игра голема улога.
Пушењето, дебелината и неактивниот живот придонесуваат за развој на оваа болест, особено кај жените, кои три пати почесто заболуваат од ревматоиден артритис.
Симптомите се различни, од воспаление во форма на отоци на зглобовите, вкочанетост, црвенило и чувство на топлина во зглобовите, константна болка во мускулите и зглобовите, чувствителност на болка, до екстремен замор, слабост, малаксаност, вкочанетост и деформитет на зглобовите.
