Светската здравствена организација (СЗО) не е сигурна дека натителата штитат од повторна зараза со новиот коронавирус, изјави денес Мајк Рајан, водечки стручњак на оваа организација, надлежен за вонредни состојби.
Рајан на конференцијата за медиумите, напомена дека, дури и ако антителата се ефикасни, многу малку укажува дека ги развиле голем број луѓе и дека така овозможуваат т.н. “групен имунитет„ за пошироката популација.
“Многу прелиминарни информации кои сега ни стигаат, укажуваат дека многу мал процент од популацијата создал антитела“, вели Рајан.
“Очекувањата се дека поголем процент во општеството развиле антитела, но општите податоци го укажуваат спротивното, така што тоа нема да може да го реши проблемот кој го имаат владите“, додаде тој.
