Иако лекарите советуваат дека секогаш треба да се лекува причината за болка, земањето анелгетици на своја рака е прилично честа пракса. Лековите често се пијат и за најмала болка, дури и однапред, заборавајќи дека понекогаш може да предизвикаат повеќе штета отколку корист. Една таблета месечно нема да го загрози здравјето, но честото земање и потребата за поголеми дози, бара лекарско испитување за причината за болка.
Ако се пие по една кутија аналгетици годишно, тоа, според зборовите на неврологот Бобан Степиќ, не е опасно, особено ако една таблета ја отстрани болката.
“Болка не треба да се трпи. Но, во тој случај треба да се земаат слаби лекови кои се добиваат без рецепта, додека тешките антиревматски лекови треба да се избегнуваат“, вели доктор Степиќ.
Меѓутоа, доколку некој почне да зема лекови секој втор ден, потребно е да се направат лекарски анализи да се утврди причината за болка, која сосема сигурно постои.
“Ако една таблета не делува, па мора постојано да се зголемува дозата, причината за болка мора да се испита. Ако секоја седмица имате болки, тоа значи дека сигурно постои причина која често не е безопасна“, додава Степиќ.
Освен што треба да се обрне внимание на тоа колку често се користи аналгетик, посебно е важно дека редовната терапија која се користи за лекување на висок притисок, дијабетес или други заболувања, не се комбинираат со различни лекови против болка, бидејќи со тоа се создава дополнителна опасност од оштетување на органите или влошување на моментална состојба.
