Минавте уште една непроспиена ноќ?! Ако ви е за утеха, од ’рчење страдаат 75 отсто од луѓето во светот, но она што особено загрижува е тоа што интензивното ’рчење може да биде знак и за некои сериозни болести, а, исто така, и да доведе до срцеви заболувања. Доколку имате проблеми со интензивно ’рчење, најдобро е да посетите доктор, но нема да погрешите ниту ако се обидете со природни лекови. Еве што помага во решавање на проблемот…
Маслиново масло
Помага во многу работи, но, исто така, може да ве ослободи и од ’рчењето. Се што ви треба во овој случај е мала лажичка – две маслиново масло, кои ќе ги сипете во носот. Маслиновото масло ќе го омекне ткивото што го попречува протокот на воздух и предизвикува ’рчење. Местото ќе биде влажно и нема да има толку многу триење или непријатен звук на ’рчење. Повторувајте го ова извесен период секоја вечер пред спиење.
Ѓумбир
Се што ви треба се неколку парчиња свеж ѓумбир, голема чаша вода и неколку кафени лажички мед. Измијте го и исечете го ѓумбирот, ставете го во сад за готвење и додадете вода. Гответе 3 до 4 минути, отстранете го од оган, покријте и оставете околу 5 минути да отстои. Потоа додадете мед, промешајте добро и напијте се. Може да се пие 3 до 4 пати на ден.
Лук
За лутата храна се верува дека може да помогне при ’рчењето, веројатно, затоа што таквата храна ги суши назалните канали и ја намалува акумулацијата на слузта што може подоцна да ги блокира синусите. Затоа, јадете лук пред спиење.
Чај од коприва
Се што ви треба е една кафена лажичка суви лисја од коприва и чаша топла вода. Оставете да отстои пет минути, а потоа испијте го чајот. Старите велат дека три чаја дневно ќе бидат од голема корист во борбата против ’рчењето.
