Студијата, која следела 500 лица родени 1946 година, го поврзала високиот притисок во раните средни години со подоцното оштетување на крвните садови и намалување на мозокот.
Научниците велат дека високиот крвен притисок во “критична возраст“ – 30. и 40. години, може да го “забрза оштетувањето“ на мозокот.
Ова не е прв пат високиот притисок во средните години да се поврзе со зголемениот ризик од деменција, но научниците сакале да дознаат повеќе за тоа кога и како тоа може да се случи.
За време на студијата, објавена во стручното списание Lancet Neurology, на учесниците им бил мерен притисокот и им бил скениран мозокот.
- Порастот на притисокот на возраст помеѓу 36 и 43 години бил поврзан со намалување на мозокот. Со стареењето, мозокот на сите се намалува, но тоа е поизразено кај заболените од невродегенеративни болести, како васкуларната деменција.
- Зголемениот притисок на возраст помеѓу 43 и 53 години бил поврзан со повеќе знаци на оштетување на крвните садови или “мини удари“ на лицата во 70. години.
“Крвниот притисок, дури и триесетите, може да влијае на здравјето на мозокот, четири децении подоцна, со следење и интервенции со цел за што подобро здравје на мозокот подоцна во животот, треба да се почне во раните средни години“, истакнува проф. Џонатан Скот, клинички невролог на невролошкиот институт во Лондон, кој го водел ова истражување.
