Нов тест на крв може да детектира одреден вид на рак неколку години пред личноста да се разболи и уште од сега се гледа на него како на значаен напредок во медицината, пишува британскиот „Дејли телеграф“.
„Ова откритие покажува дека истражувачите се на прагот на нова ера во областа на медицината“, рекол Сајмон Стивенс, извршен директор на Националната здравствена служба во Англија (НХС).
Во рамки на истражувањето биле тестирани 1 400 пациенти и била утврдена 90 процентна точност на процедудата со која се идентификуваат ДНК маркерите. Се верува дека овој тест ќе стане меѓународно достапен во наредните пет години.
„Со новата технологија на прецизна рана дијагностика голема е веројатноста да можеме да ја победиме оваа болест“, додал Стивенс и истакнал дека Англија е лидер во примената медицинска технологија и таканаречена персонализирана медицина која ќе го трансформира лечењето на ракот.
