Заштитните маски ги носиме за да ја намалиме можноста за влез на вирусот во организмот низ носот и устата, а дијагнозата за КОВИД-19 се поставува на основа на брис кој се зема од слузницата на носот.
КОЈА Е ВАЖНОСТА НА НОСОТ И ШТО МОЖЕ ДА НАПРАВИМЕ ЗА РИЗИКОТ ОД ЗАРАЗА ГО НАМАЛИМЕ ШТО ПОВЕЌЕ?
Носот не е само орган чија функција е осет за мирис. Основна функција на носот е дишењето. Но, носот има исклучително важна заштитна улога и токму таа улога е особено важна во механизмот на пренесување на сите респираторни воспаленија, па така и на инфекцијата со коронавирусот.
Здравата слузница на носот ги штити сите дишни патишта оти го чисти и филтрира вдишаниот воздух, ја регулира температурата и влажноста на истиот и на тој начин го подготвува за влез во белите дробови.
Слузницата на носот има голема површина, а целата функционира како леплива подвижна лента.
ВЛАЖНОСТА НА СЛУЗНИЦАТА НА НОСОТ ВО ЗАШТИТА НА ИМУНИТЕТОТ
Втор дек од заштитната функција на носот се однесува на имуниот систем. Слузницата има важна улога во вродениот имунолошки систем, пружајќи примарна одбрана од вдишаните вируси, бактерии и други микроскопски честички и организми. Слузницата на носот е прва на удар од коронавирусот. Чувањето и одржувањето на слузницата на носот е исклучително важно оти на тој начин се одржува природната бариера и се намалува можноста за инфекција со новиот коронавирус. SARS-CoV-2 е високовирулентен респираторен вирус со значајна присутност во слузницата на носот оти му одговара средина и подлога која е исклучително добро снабдена со крвни садови, а жлездите кои лачат слуз во носот создаваат влажно опкружување што на вирусот исто така му одговара. Здравата слузница на носот е природна одбрана за ширење на вирусот, додека оштетената слузница коронавирусот може лесно да ја пробие и да го инфицира организмот. Оштетувањата на слузницата на носот често не ги забележуваме, ниту ги чувствуваме.
Со достапните научни истражувања е потврдено дека со физичкото отстранување (испирање на носот) се намалува вирусното оптоварување на организмот, а пренесувањето на вирусот меѓу членовите на домаќинството се намалува за 35%.
КАКО ДА СЕ СПРЕЧИ ВЛЕЗ НА ВИРУСОТ?
Познато е дека по изложувањето, во рана фаза на инфекцијата, најголемо оптоварување со количина на вирусот е на слузницата на носот. Се покажало дека физичкото отстранување на вирусот со плакнење на носот е добра превентивна мерка за спречување на развој на потешки форми на КОВИД-19, а со тоа се намалува и можноста за пренесување на вирусот на блиски лица. За време на секое вирусно воспаление на горните дишни патишта, доаѓа до пореметување на лачењето слуз во носот. Се формираат поголеми количини и тоа на изменета слуз. Поради отежнатата работа на цилиите на слузницата и бавната елиминација, доаѓа до задржување на слузта во носот и затнување на носот (назалната конгестија).
ИСПИРАЊЕ НА СЛУЗНИЦАТА НА НОСОТ СО РАСТВОР
Испирањето на носната слузница со солени раствори доведува до физичко отстранување на слојот на слузта со сите заробени микроорганизми, но и супстанции кои поттикнуваат воспаление, а кои слузницата ги лачи по контакт со вдишани штетни честички. Испирањето помага подобро и полесно да се исчисти слузницата, се золемува нејзината ефикасност, а дополнително го навлажнува и намалува отокот на слузницата. Испирањето на носот е добро позната и честа мерка за нега на слузницата на носот кај деца кај кои се чести акутни респираторни инфекции. Испирањето кај возрасни обично се препорачува како редовна терапија за одржување на здравјето на слузницата во случај на алергиски ринитис или хронично воспаление на синусите. хроничен синузитис.
