Имунитетот не зависи само од храната, туку од целокупната состојба на организмот. Дека некои вообичаени склоности и навики може да го ослабат имунитетот, утврдиле повеќе научни истражувања.
Социјална хибернација. Избегнувањето на социјален живот и изолирањето ја зголемува шансата да се разболите. Тоа го покажало истражување на Универзитетот Карнеги Мелон каде се покажало дека статистички лицата со помалку социјални црски имаат поголема шанса да се разболат. Лицата кои се склони да се изолираат имаат повеќе психолошки и физички тегоби и потепко можат да се изборат со болеста. За разлика од тоа, социјалните врски го јакнат имуниот систем помагајќи во опоравувањето и допринесувајќи за емоционална и физичка благосостојба.
Песимиситички поглед на светот. Ако спаѓате во групата на лица кои со песимизам гледаат на работите, тоа може да го ослабе вашиот имунитет. Истражувањето на Универзитетот Калифорнија утврдило дека студентите кои при уписот позитивно гледале на иднината, имале повисоко ниво на Т-клетките, кои го јакнат имунитетот, наспроти студентите кои го почнале школувањето со негативни предвидувања.
Хроничен стрес. Сите знаеме дека стресот не е е здрав. Но, можеби не сте знаеле дека хроничниот стрес мерливо го нарушува имунитетот намалувајќи го бројот на Т-клетките. Позната метаанализа на разни истражувања утврдила дека долгорочниот стрес (кој таре со месеци или години) буквално го разорил имуниот систем на испитаниците.
Игнорирање на емоциите. Дали имате обичај да ги голтате своите чувства и длабоко да ги закопувате. Наместо гласно да кажете како се чувствувате? Ако е така, можете да му наштетите на својот имунитет, покажало истражување на Универзитетот Калифорнија. Истражувачите утврдиле дека давањето оддишка на себе доведува до зголемено производство на бели крвни зрнца, истовремено позитивно влијае и на кардиоваскуларното здравје. Од друга страна, утврдено е дека оние кои ги задржуваат своите чувства и мислења во себе, потребно им е 40% подолго време да се опорават од повреда и болести.
