Цервикалниот карцином е едно од најчестите заболувања со кое се соочуваат жените ширум светот. Речиси во сите случаи е предизвикан од вирусот наречен ХПВ или human papilloma virus.
Ризикот од заболување нема врска со годините, туку со сексуалната активност. Ризик факторите вклучуваат небезбеден секс, промискуитетност, прекумерна тежина, употреба на орални контрацептиви, генетика, пушење, слаб имунитет, бременост во рана возраст… Една од најзастрашувачките работи а која се однесува на овој вид карцином е тоа дека не дава никакви симптоми во својата рана фаза, туку тие се појавуваат откако болеста ќе ги зафати останатите органи, како на пример, црниот дроб, белите дробови и сл.
Меѓу знаците, односно симптомите кои укажуваат на ова заболување се абнормално вагинално крвавење, болка за време на сексуален однос, болка во карлицата, непријатно чувство за време на уринирањето, неочекуван губиток на тежината, тешки и болни менструации, болка во ногата…
