Rezultatet e një studimi të ri tregojnë se instrumentet kirurgjikale që përdoren gjatë ndërhyrjeve neurokirurgjikale mund të kontaminohen me proteina të ndryshuar të trurit, të cilat janë karakteristikë e demencës së Alzheimerit.
Duhet të theksohet se me ndihmën e instrumenteve kirurgjikale, sëmundja mund të transmetohet më tej nëse ato nuk dekontaminohen në mënyrë e duhur para përdorimit.
Përndryshe, më parë nuk njihej fakti se demenca e Alzheimerit mund të ishte një sëmundje infektive. Megjithëse ekzistojnë pak shanse që beta amiloidi i cili grumbullohet në trurin e pacientit me sëmundjen e Alzheimer-it përhapet më tej me ndërhyrjen kirurgjikale, megjithatë duhet të merren masa parandaluese, paralajmërojnë profesionistët.
Sëmundja e Alzheimerit është një formë e rëndë e demencës, e cila çon në humbjen progresive të funksioneve njohëse dhe kujtesës. Sëmundja karakterizohet nga grumbullimi i proteinave toksike të njohura si depozitat beta amiloide dhe proteinat tau, brenda trurit dhe në qelizat nervore.
