Кога вагиналната микрофлора доаѓа во контакт со нешто ново, таа рамнотежа може да биде пореметена – на пример, за време на интимен контакт со нов партнер.
„Сексот со нов партнер внесува околу 10 милиони нови бактерии на милилитар сперма, а тоа води до промени на вагиналниот микробиом“, вели Катрин Велс Џорџ, гинеколог од Њујорк, и додава дека овој број бактерии кои завршуваат во вагината се однесува на секс без заштита.
Нерамнотежата на вагиналната микрофлора знае да додеде и до низа непријатни промени – се менува Пх, како и мирисот на половиот орган, доаѓа до инфекции на уринарниот систем, до бактериски вагинози и кандидијаза (едно од најчестите вагинални воспаленија), чешање, чувство на печење…
Повеќето вагини содржат многу лактобацили, бактерии кои помагаат во производството на млечна киселина и одржувањето на ниски нивоа на ПХ, под 4,5.
„Ниското ниво на Пх помага во спречување на размножувањето на бактеријата Gardnerella vaginalis, која предизвикува бактериска вагиноза. Освен тоа помага и во одржувањето на високите нивоа на лактобацили, со што се спречува прелумерното размножување на габички“, додала д-р Катрин Велс Џорџ.
Предупредува и дека сексот без заштита, особено со нов партнер никако не е добар, не само заради големиот ризик од полово пренослива болест, туку и заради наведеното нарушување на вагиналната микрофлора, пренесува health.com.
„Кондомите ќе спречат влегување на нови микроорганизми, но и со нив треба да се внимава. Оние со лубрикант ќе го пореметат нивото на Пх во женскиот полов орган и ќе доведат до пореметување на балансот на микробиомот. Кога користите лубриканти, побарајте ги оние кои имаат еднаква Пх како и вагината“, доветува д-р Катрин Велс Џорџ.
Во одржувањето на добрата микрофлора на половиот орган помага земањето на пробиотици, а и одржувањето на хигиената е мошне важно, нагласила докторката. Мокрењето веднаш после секс или миењето на вагината со вода помага во одржувањето на здравото ниво на бактерии. Би требало да се внимава и при користење средства за миење како класични сапуни и средства за туширање затоа што тоа може да го поремети нивото на Пх. Стручњаците велат дека обичната вода е сосема доволна за одржување на хигиената, но ако сакате сапун тогаш нека биде благ и без мирис. Во ретки случаи жените знаат да бидат алергични на латексот од кој се изработуваат повеќето кондоми – sимптомите се отеченост, чешање и болка при секс; во тој случај треба да се бираат полиуретански кондоми.
