Можеби и ве предупредиле дека не е добро да се пукаат зглобовите на прстите, но многумина ја имаат таа навика за која се зборува дека може да предизвика и појава на артритис.
Просторот во зглобовите е исполнет со течност која се нарекува синовијална течност, а со изгледот наликува на жолчка. Таа течност е одговорна за намалување на триењето во зглобовите додека се движиме, а содржи и гасови. Кога ги пукате прстите, просторот во зглобовите помеѓу коските се испружува, а како се шири, се создваат негативни притисоци и настанува вакуум. Тогаш поради синовијалната течност се формираат меурчиња кои пукаат, што резултира со звук кој се слуша како пукање.
Истиот зглоб не може повторно да се пукне ако не почекате околу 20 минути, време потребно повторно да се појават гасови во синовијалната течност.
Нобеловецот Доналд Унгер одлучил да провери дали пукањето навистина предизвикува артритис, па ги пукал зглобовите на едната рака, а на другата никако не ги допирал, и открил дека резултатите се исти – ниту една рака немала артритис.
