Пет митови кои најчесто се поврзуват со артритисот

Артритисот е вкупно име за различни воспалителни процеси на зглобовите кои настануваат поради многу причини.

​Од артритисот почесто заболуваат жените, главно се јавува на возраст помеѓу 20 и 40 години. Со оглед дека се уште не се знае точната причина за ревматскиот артритис, за жал нема ниту прав лек. Лоша вест е дека постојат и многу неточни информации за оваа состојба кои може да доведат до фрустрација и лошо лекување.

Ова се пет најчести митови кои се поврзуваат со артритисот.

МИТ 1: Избегнувајте физичка активност

Секако, прекумерното движење може да доведе до болки ако боледувате од артритис, но ова не смее да се сфато дека не треба воопшто да се вежба. Германскиот стручњак за спортска медицина Клаус Бое советува редовна, но умерена физичка активност на сите пациенти со артритис, оти на тој начин може да се забави напредувањето на болеста. Тој препорачува пливање, возење велосипед, лесно џогирање и вежбање аеробик, но советува вежбање како одбојка, фудбал, ракомет или тенис кои се штетни за локомоторното здравје на лицата со артритис.

МИТ 2: Ќе помогне јаболковиот оцет

Во минатото се сметало дека јаболковиот оцет, кој содржи бета каротен, ги напаѓа слободните радикали кои инаку би можеле да го нарушат нашиот имун систем. Факт е дека ајболковиот оцет речиси и не содржи бета каротен, и има премалку здравствени докази кои би потврдиле дека ја намалува болката предизвикана од артритис.

МИТ 3: Млечните производи може да ја влошат состојбата

Можеби сте наишле да тврдење дека млечните производи може да ја засилат болката предизвикана од артритисот. Но малку студии ја потврдуваат оваа претпоставка. Една студија покажува дека кај жените кои повремено консумирале млечни производи, се намалила шансата за напредок на болеста.

МИТ 4: Суровата храна може да помогне

Исхраната која се базира на сурови намирници означува консумирање на многу овошје и зеленчук и избегнување на тешка и процесуирана храна. Иако е здрава, оваа исхрана нема многу да помогне при болките од артритис.

МИТ 5: Кафето ја засилува болката

Се смета дека кафето може да предизвика нервоза и да ја засили болката која се чувствува како последица на артритисот. Научниците сепак сметаат дека кофеинот може да превенира развој на состојби кои се поврзани со артртисот.