Во одредени ситуации и само повремено, стресот може да биде корисен оти ни овозможува да навидум невозоможни задачи ги извршиме за кратко време. Меѓутоа, сосема друга приказна е ако сте постојано под стрес. Не е тајна дека хроничниот стрес со себе носи бројни здравствени ризици, а на врвот на листата се болестите на срцето. Како тоа да не е доволно, стручњаците предупредуваат дека лошото управување со стресот исто така може да го зголеми и ризикот од рак.
Тоа може да се препише на фактот дека неконтролираниот стрес има погубно влијание на имуниот систем на човекот, кој е главна линија на одбрана од штетните микроорганизми кои го напаѓаат нашето тело. Исто така, имуниот систем е задолжен за контрола на секое “необично однесување“ во телото, оти може да прераснат во канцерогена форма.
Истражувањата покажале дека големата концентрација на хормони на стресот во телото, може да предизвика неконтролирано делење на клетките на ракот. Вината делумно ја носи способноста на норадреналинот, еден од хормоните на стрес, да потикне раст на уште повеќе крвни садови во туморите, што им овозможува многу побрзо растење и ширење.
Многу важен фактор за зголемен ризик од рак е фактот дека повеќето луѓе се насочени кон нездраво однесување или навики, кога и да се под стрес. На пример, пушачите во стресен период веројатно повеќе пушат, а познато е дека пушењето го зголемува ризикот од рак на бели дробови, уста, грло, желудник и хранопровод. Други прекумерно ќе консумираат алкохол, што повторно е ризик фактор за многу видови на крацином. Во ризичната група се бројуваат и оние кои против стресот се борат со емоционално прејадување. Консумирањето нездрава храна може да предизвика обезност, а тоа е еден од ризик факторите за развој на рак.
Но, само затоа што водите стресен живот, не значи нужно сека мора да се подготвите со претстојна борба со рак.
За да направите се што е во ваша моќ и да го намалите ризикот од појава на рак на минимум, погрижете се да усовите здрави навики ии техники за ослободување од стресот, како масажа, слушање смирувачка музика, медитација, пешачење…Уште поважно е да ги идентификувате сите стресни ситуации кои можете да ги избегнете во текот на денот и тоа правете го редовно. Ако немате ни волја, ни сила сами да се соочите со стресот, побарајте стручна помош. Добар стручњак ќе ви помогне ефикасно да се носите со секојдневниот стрес на начин кој одговара на вашиот животен стил и склоности.
