![majka-spontani-abortusi (1)](https://panacea.mk/wp-content/uploads/2018/05/majka-spontani-abortusi-1.jpg)
-
Дебра Каугил (33) имала 16 абортуси додека се обидувала да го добие своето второ дете
-
Нејзиниот прв син, Кори, кој сега има 10 години, конечно доби братче
-
Коугил вели дека било многу тешко, но никогаш не се откажала од сликата за „совршено семејство“
Мајка која поминала низ агонија од 16 спонтани абортуси за да има семејство за кое била очајна, конечно го родила својот втор син, после една деценија безуспешни обиди.
Приказната на Дебра е кураж, надеж, искра за сите кои се обидуваат да основаат семејство. И пред да го роди првиот син Дебра имала два спонтани абортуса, но заедно со сопругот Дарен отсекогаш сонувале за уште едно дете.
Двојката која живее во Ирби, Ланкашир, Англија, имала 16 спонтани абортуси во последните десет години, но никогаш не се откажала од нивниот сон, а особено упорен бил Кори, кој ги молел своите родители за помлад брат или сестра.
![](https://panacea.mk/wp-content/uploads/2018/05/majka-spontani-abortusi-2.jpg)
Сега, нивното семејство е комплетно по раѓањето на бебето – чудо, Тејлор Реј, кој дошол на свет пред три недели.
„Беше секогаш толку тешко да се вратам во истата соба, со секоја бременост, на нов скен, и одново и одново да ни соопштат дека нема отчукувања на срцето“, се потсетува Каугил во изјава за „Дејли мејл“.
„Но, јас никогаш не се откажав од надежта и бев толку позитивна за оваа бременост“
„Кори почна да плаче кога му кажав дека сум бремена. Тој секој ден бараше да има брат или сестра и мислам дека и тоа ни помогна да ги надминеме тешките времиња.“
Двојката почнала да се обидува да добие деца кога Дебра имала 19 години, во 2004 година, но и обајцата биле обесхрабрени од првите два спонтани абортуса. Потоа се родил Кори.
![](https://panacea.mk/wp-content/uploads/2018/05/majka-spontani-abortusi-3-516x750.jpg)
Најдолг период на носење на Дебра и бил 15 недели. Лекарите не можеле да најдат медицинска причина за спонтаните абортуси и медицински ризик да ја запрат од нејзините обиди за второ дете.
Останала позитивна по процедурата за дилатација и киретажа на матката, постапка за која знаела дека може да ги зголеми шансите за раѓање.
„Ин витро оплодувањето ќе беше губење на пари, бидејќи ние немавме проблем за зачнување“, се навраќа Дебра.
„Мојот сопруг предложи сурогат мајка, но тоа никогаш не беше опција за мене – мислам дека не би можела да го направам тоа.
„Со секој спонтан абортус стануваше се потешко, но никогаш не помислив да престанам и мислам дека токму продолжувањето и гледањето напред ми помогна да се справам со загубата. Дарен беше навистина загрижен за физичките и ментални последици што би можеле да ги имаат спонтаните абортуси врз мене, но јас никогаш не се сомневав дека тоа нема да се случи“, вели Дебра.
Тејлор Реј се родил на 2 мај, во „Burnley General Hospital“, во 37. гестациска недела.
„Никогаш не зажаливме што продолживме да се обидуваме бидејќи работите се случуваат со причина и сега сме „совршено семејство“, изјавила Дебра, чија упорност, на крајот, навистина се исплатела.
Оттука и пораката до сите кои се обидуваат да станат родители – да не се откажуваат!