![brokula-kafe (4)](https://panacea.mk/wp-content/uploads/2018/06/brokula-kafe-4-696x928.jpg)
Не се потребни многу состојки за да се направи добро кафе, но во светот постојано се експериментира со нови вкусови, кои се додаваат на омилениот пијалак, а последниот е вкусот на брокула.
По вкусот на куркума, тиква, па дури и активен јаглен во кафето, најновиот тренд е еспресо, капучино и кафе-лате од брокула. Имено, едно кафуле во Мелбурн го вклучи овој вкус во својата понуда, тврдејќи дека е здрава верзија на популарниот пијалак.
Вработените во кафулето „Commonfolk“ тврдат дека две лажички прав од брокула даваат количина на хранливи материи, како и цела порција со брокула
„Откривме дека постои голема група на обожаватели на брокула кои се грижат за здравјето и на кои им се допаѓа ова кафе, исто како и оние кои го сакаат кафето со цвекло или куркума“, изјави сопственикот на австралиското кафуле Сем Кек.
Иако пијалакот е полн со добри протеини и влакна, Кек признава дека реакциите на едно вакво кафе се различни.
По кафето со брокула – што ли е следно?!