Резултатите од истражување спроведено во Швајцарија, укажуваат дека лицата кои спијат и во текот на денот, имаат помал ризик од развој на срцев удар (инфаркт на миокардот).
Имено, хроничниот недостаток на сон може да го зголеми ризикот од добивање на атеросклероза или таложење на наслаги во артериите. Атеросклерозата е познат ризик-фактор за срцев удар, која доведува до стеснување и стврднување на артериите, а кога тоа ќе се случи во коронарните артерии, ризикот од срцев удар значајно се зголемува.
Лицата кои малку дремеле во текот на попладнето, имале за 50% помал ризик од срцев удар, во споредба со лицата кои не спиеле доволно. Стручњаците препорачуваат осум часа сон секоја вечер. Кога тоа не е можно, недостатокот на сон може да се надомести со попладневно спиење.
Во истражувањето учествувале 3.462 лица на возраст од 35 до 75 години, кои биле следени 5,3 години.
Се смета дека повременото попладневно спиење може да биде резултат на физиолошко надоместување, кое овозможува намалување на стресот поради недоволниот ноќен сон, и тама може да има позитивен ефект на кардиоваскуларните случувања.
