Постојат неколку случаи кога се препорачува да се изврши ултразвук – ЕХО на мускулоскелетниот систем. Тоа се:
- Болка – спонтана или по повреда;
- Сомнеж за воспалителни или дегенеративни процеси;
- Појавата на оток во пределот на мускулите или зглобовите.
Секако најдобро е тоа да се направи врз основа на упат/мислење од ортопед, физијатар или ревматолог кој претходно утврдил потреба од ултразвучен преглед.
Ултразвучниот преглед на мускулите и тетивите е неинвазивен, безболен, брз и прецизен дијагностички метод за зглобниот простор, тетивите, лигаментите, мускулите, мускулната фасција и нервните завршетоци.
Во клиничката болница „Жан Митрев“ се користи ултразвук при:
- повреди и воспалителни процеси на тетивите и лигаментите,
- мускулна повреда со мерење на евентуалните димензии на хематом,
- исклучување или потврдување на сомнение за евентуален експанзивен туморски процес на поткожното масно ткиво и мускулните структури,
- воспалителен процес во зглобот и присуство на течност во зглобот,
- дегенеративни промени во зглобовите,
- воспалителни процеси на обвивките (бурзите).
Во клиниката „Жан Митрев“ работат радиолози со долгогодишно искуство. Закажете го вашиот термин на време на 02/3091-484.
