Мигрената се карактеризира со пулсирачка болка на едната страна на главата, проследена со мачнини, чувство за повраќање и пореметување на видот, а може да трае и до 72 часа доколку не се лекува.
Мигрената се јавува периодично и обично зафаќа една половина од главата. Пред нападот често се јавува аура (назив за т.н. предсигнал пред вистинскиот мигренозен напад, а може да трае неколку минути до еден час). Аура може да биде во форма на блескави точкиво видното поле, испади на видното поле, како и пореметување на моториката или осетот.
Иако постојат некои познати тригери за мигрена, важно е да се утврди кои од нив влијаат на вас бидејќии тригерите се единствени за секој поединец. Ова се некои најчести навики кои може да доведат до неподносливи главоболки.
Одредени намирници
Одредени намирници, како што се мононатриумов глутамат (засилувач на вкусот кој обично се наоѓа во супите и останатат преработена храна), кофеин, чоколадо, соја, преработено месо, сирења и вештачките засладувачи може да предизвикаат мигрена.
Стручњаците препорачуваат исфрлање на “сомнителната“ храна од исхраната за да се провери дали тоа ќе помогне. Кај повеќето луѓе, алкохолот, особено црвеното вино е тригер.
Силна светлина, гласни звуци и силни мириси
Лицата кои се склони на мигрена може да бидат особено чувствителни кога станува збор за мириси. Звуци и светлина, како сим, парфеми и светлосни уреди.
Чкрипење со заби
Пореметувањето како чкрипењето со заби може да предизвика болки во вилицата и да поттикне напнатост или мигрена. Ако патите од овој проблем, посетете стоматолог кој со правење на лична навлака ќе спречи чкрипење со забите за време на спиењето.
Прекумерно користење лекови
Честото користење лекови без рецепт. Особено нестеродн противвоспалителни лекови може да предизвикаат главоболка.
