Недостигот на железо е многу честа појава, особено кај жените. Секој месец за време на менструалниот циклус тие губат по 15 мг железо. Проблем имаат и вегетаријанците, бидејќи основен извор на железо се месните продукти. Без него здравјето е невозможно. Тоа влегува во составот на хемоглобинот кој го обезбедува движењето на кислородот низ организмот и на миоглобинот кој овозможува натрупување на железото во мускулите. Железото учествува и во многубројни реакции врзани со клеточното дишење.
Крвни испитувања
Немојте при првите знаци на замор да се фрлите на додатоци со железо. Пред се, треба да се утврди дали навистина причина за тоа е недостигот на железо, бидејќи во спротивно прекумерниот внес може штетно да влијае врз крвниот систем. Дијагнозата се поставува по два показатели – ниво на железото во крвта во форма на хемоглобин и под формата на феритин. 2,5 грама е железото во организмот на жената, а 4 грама во машкиот организам.
Причини за недостиг
- Начин на исхрана при која недостасуваат продукти богати со железо.
- Неможност за врзување на железото, карактеристична за заболувања како Кроновата болест или интолеранција на глутен. Во таков случај организмот едвај врзува 10 % од железото преку храна.
- Значителна загуба на железо при многу обилна менструација или внатрешно крварење. Кај жените во менопауза или кај мажите со ниско нив на железо, може да е показател за рак на дебело црево.
Кај жените 30 микрограми е нивото на феритин во крвта под кое станува збор за недостиг на железо. Анемијата настапува кога хемоглобинот е под 12 г за жените и под 13 г за мажите.
Соодветна исхрана
Железото се апсорбира подобро кога доаѓа од месни продукти, риба или морски плодови. Јајцата, мешункастите растенија и полнозрнестата храна, исто така, обезбедуваат доволно железо за телото. Не се за занемарување ниту таквитe извори како ѓумбир, кари, какао, сусам, коријандер… Цитрусните плодови и доматите потпомагаат за задржување на железото бидејќи содржат витамин Ц, клучен при целиот процес. Од друга страна, нужно е да се намали пиењето на чај, кафе и вино. Добро е да се знае дека со храна се одржува нивото на железо, но не може да се надомести недостигот.
