Лекот запнометиниб или ATR-002, потенцијално би можел да го спречи ширењето на вирусот во клетките и истовремено да го намали и претераниот имунолошки одговор кој влијае на развојот на тешки форми на болеста во случај на зараза со коронавирус, покажале експериментите in vitro (во епрувети).
Активната состојка запнометиниб, која првично е користена во развој на лек против грип, се покажала ефикасна во различни модели на клеточни култури, вклучувајќи и дејствување против сите тестирани варијанти на SARS-CoV-2.
Тоа подразбира широка применливост во соочување со претстојните варијанти на коронавирус со кои ќе се сретнеме во иднина. Моментално во тек се испитувања на животни за да се потврдат споменатите наоди.
Резултатите од студијата, објавени минатата недела во стручното списание Cellular and Molecular Life Sciences, се добра основа благодарение на која Институтот за лекови и медицински производи во Германија издал одобрени на производителот, лекот да го тестира и на луѓе.
Прв пат гледаме дека било кој постоечки лек појажува двојно дејство против КОВИД-19, вели коавторот на студијата проф. Стефан Лудвиг, виролог од Институтот за вирусологија на Универзитетот во Минстер.
“Позитивни резултати од клиничка студија на луѓе што е се уште во тек, може да резултира со итно одобрување на лекот уште оваа година“, изјави проф. Лудвиг.
