Ако сте жена постара од 30 години, најопасно влијание врз здравјето на вашето срце има физичката неактивност, открива голема студија на австралискиот универзитет Квинсленд, спроведена на околу 30 000 жени.
Лошо влијание имаат и дебелината, пушењето и зголемениот крвен притисок, а два од овие три фактори се тесно поврзани со физичката неактивност
Австралијците спровеле истражување од една многу едноставна причина – токму срцевите заболувања се водечка причина за смрт кај жените во оваа земја, а вкупно гледано се одговорни за една четвртина од сите смртни случаи во Австралија. Дополнителен час физичка активност дневно би спречило прерана смрт на повеќе од 2 500 Австралијки на годишно ниво, се вели во тамошната студија.
Затоа, не двоумете се туку веднаш почнете со пешачење за да може полека да го доведете телото во ред и да го подготвите, кога силата ќе ви се поврати, да почнете да се занимавате со некои поинтензивни физички активности како што е вежбање во теретана или некоја аеробик програма.
