Готвењето на пареа се препорачува долги години токму поради зачувување на хранливите состојки. Овој начин на подготовка на намирниците им обезбедува на оброците поголема количина на хранливи состојки во однос на вообичаеното готвење или печење на храната.
Стручњаците се согласуваат дека готвењето на пареа, покрај суровите намирници е најздравиот начин да се консумира храната. Освен тоа, намирниците подготвени на пареа повеќе го задржуваат вкусот.
Вообичаеното готвење подразбира нивно потопување во врла или вода што врие. На тој начин ги готвиме додека не сме задоволни од нивната мекост, додека во водата може да се додаде и сол и други зачини за на зеленчукот да му се овозможи дополнителен вкус. Но, за жал, со ваквото готвење одреден број на нутриенти се испуштаат во водата, а со оглед дека таа вода повеќето не ја користат по готвењето се губат вредни активни состојки во намирниците. Освен тоа, намирниците кои се изложени на висока температура и целосно се потопени во вода дополнително губат од хранливите состојки во нив.
Со готвењето на пареа намирниците се задржуваат над водата, но потребно е да се стави капак за пареата да може да кружи, а не да испарува.
Зеленчукот е најдобро очуван кога се подготвува на пареа или се консумира свеж. Поради пареата која циркулира низ зеленчукот не е потребно да се додава масло за јадење. Зелениот лиснат зеленчук најбрзо се готви на пареа и потребни се само четири минути за тоа да биде подготвено за јадење со најголемо количество хранливи состојки.
Зеленчукот богат со јаглехидрати како компирот и благиот компир потребно е да го исечкате на мали парчиња и треба на пареа да се готви од осум до 12 минути. На младиот компир му е потребни дополнителни пет минути.
Карфиолот е нешто потврд од брокулата и за негова подготовка се потребни шест до осум минути, а истото важи и за морковот и мешунките. Брокулата поради својата чувствителност е зеленчук кој најдобро се готви на пареа, а потребни и се помалку од пет минути. Ист врменски интервал е потребен и за готвење на грашокот.
Тиквата или тиквичките гответе ги седум до 10 минути, додека целиот останат зеленчук на пареа е готов за пет до осум минути.
Готвење на пареа версус варење на храна
Карактеристики и придобивки од традиционалниот метод кој е иднината на готвењето. Готвењето на пареа можеби не е нешто „ново“, но во последно време е поттикнато од желбата за поздрав начин на живот. Готвењето на пареа станува сè попопуларно кај луѓето кои бараат повеќе опции за готвење, бидејќи нуди многу придобивки што другите начини на подготвување храна не ги нудат. А неговата популарност се должи и на парните печки (не се користат само од професионалци) кои постепено ги заменуваат конвенционалните тави.
Кога храната се вари во вода, поголемиот дел од нејзините хранливи материи се губат, додека при готвење на пареа храната не доаѓа во контакт со вода, задржувајќи ја својата хранлива вредност. Пареата продира во храната многу побрзо од водата, па затоа и побрзо се готви. Ова не само што ја прави нашата храна поздрава, туку и изгледа подобро бидејќи ги задржува своите хранливи состојки истакнувајќи ја нејзината боја, текстура, вкус и арома. Дури и ако ја варите храната на пареа во тава, користејќи корпа, на пример, наместо да ја готвите во вода, рерната на пареа е сепак подобра опција бидејќи ви овозможува да ги приспособите вашите параметри за готвење, што е особено важно кога подготвувате деликатна храна.
Предност е исто така што готвењето на пареа овозможува готвење на ниска температура што ги задржува сите витамини на продуктите, посебно растителните.
