Ѓумбир, лимон и босилек како прва помош за благи симптоми на труење со храна

Некои од симптомите вклучуваат повраќање, гадење, главоболка, вртоглавица, абдоминални грчеви и дијареја. Труењето со храна никогаш не треба да се игнорира

Труењето со храна може да биде предизвикано од бактерии, вируси и други токсини во храната. Некои од симптомите вклучуваат повраќање, гадење, главоболка, вртоглавица, абдоминални грчеви и дијареја. Труењето со храна никогаш не треба да се игнорира.

Ако имате труење со храна, ќе изгубите многу течности, па затоа е важно да ги надоместите, а ако симптомите се сериозни, потребно е да посетите лекар

За некои поблаги симптоми, може да побарате помош во следниве природни препарати:

Ѓумбир

Одличен лек за речиси сите дигестивни проблеми. Чајот од ѓумбир може да се пие пред или по ручекот за да ги олесните проблемите, втора опција е да изрендате лажичка ѓумбир, да го измешате со лажица мед и да земате 2-3 пати на ден за да ги ублажите симптомите.

Јаболков оцет

Освен што е одличен производ во домаќинството, може да ви ги олесни и симптомите на труење со храна и тоа моментално. Измешајте две лажици оцет со топла вода и консумирајте пред јадење.

Јогурт

Јогуртот има антибактериски својства кои ќе ги смират симптомите предизвикани од труење и ќе ги олеснат болките во стомакот.

Лимон

Антибактериските, антивирусни и антиинфламаторните својства на оваа намирница сигурно ќе ја олеснат состојбата. Додадете трошки шеќер на лажица полна со лимонов сок и консумирајте три пати на ден.

Босилек

Ова растение е одлично средство за тегоби предизвикани од труење со храна. Можете да си помогнете на неколку начини – ставете неколку капки масло од босилек во вода и консумирајте го во текот на денот. Можете да ставите неколку исечкани листови од босилек во јогурт и да го консумирате три пати на ден додека не се смират болките.