Пилешкото месо често се смета за најдобро месо, бидејќи од него навистина може да се подготви секое јадење. Иако е познат како здрав избор и поради малата содржина на маснотии, тоа не значи дека треба да го јадете секој ден. Пилешкото месо содржи многу протеини, а многу помалку маснотии од црвеното месо. Сепак, ако го јадете секој ден, тоа може да доведе до проблеми.
- Премногу пилешко
Разновидната исхрана е клуч за здрав живот, а истото важи и за пилешкото – премногу од нешто никогаш не може да биде добро и може да доведе до здравствени проблеми. Иако не е премногу калорично, сепак може да доведе до таложење килограми, што секако е лошо за здравјето на срцето, а во летниот период се заканува и труење со храна.
- Премногу протеини
Премногу протеини во телото може да значи и акумулација на маснотии. Тоа ќе доведе до пораст на телесната тежина што може да го зголеми нивото на липиди во крвта. Ако секој ден јадете големи количини пилешко месо, придонесувате за прекумерен внес на протеини во организмот, затоа внимавајте на количината.
- Здравје на срцето
Премногу пилешко во исхраната може да доведе до зголемување на нивото на холестерол, а сите веќе добро знаеме дека тој е поврзан со кардиоваскуларните заболувања. Индиректно, големиот внес на пилешко може да влијае на развој на проблеми кои можат да завршат со компликации.
- Потешкотии со одржување на телесната тежина
Со консумирањето преголеми количини на протеини од животинско потекло, како оние од пилешкото месо, може да го отежнете одржувањето на идеална тежина или да имате проблеми со дебелеење. Лицата кои можат да не јадат месо, како што се веганите, често имаат понизок индекс на телесна маса од оние кои јадат месо секој ден.
- Поголеми шанси за труење со храна
Подготовката на пилешко може да биде и не толку лесна задача. Ако не сте го подготвиле месото целосно, или зеленчукот дошол во контакт со свежото месо или пак сте го оставиле преработено месо да отстои на сонце, големи се шансите да се отруете со храна. Се работи за бактерии кои се наоѓаат во сурово месо, како што е салмонелата, и тие се опасни кога станува збор за здравјето на луѓето и можат да доведат до сериозни проблеми.
- Поголеми шанси да дојде до отпорност на лекови
Вообичаена пракса е кај одгледувачите на живина да им даваат антибиотици на животните, а кога човек го јаде тоа месо, може да се создаде отпорност на нив. Се разбира, ова е ризична ситуација ако се борите со инфекција и антибиотиците ви се од голема помош.
Дали сте подготвени да бидете малку внимателни кога станува збор за количината на месо што ќе ја изедете? Бидете внимателни и вклучете во исхраната разновидни намирници.
