Важно е да се преземат сите мерки за заштита, оти ако живеете со некој које болен, имате 50 проценти шанса и вие да се разболите. За да останете здрави, а да можете да се грижите и за болниот член во семејството, предвид земете ги овие совети.
ТЕСТИРАЈТЕ СЕ
Ако се наоѓате во ваква ситуација, што побрзо и вие напраете тест, советува д-р Скот Браунстејн, директор на болницата Sollis Health во Лос Анџелес. “Дури и ако тестот е негативен, не се исклучува можноста да се работи за лажно негативен тест, па повторете го за 5 до 7 дена“, додава лекарот. Сите кои биле во контакт со заразено лице, мора за тоа да бидат информирани за да можат да се тестираат.
ОГРАНИЧЕТЕ ГО ДВИЖЕЊЕТО
Центарот за контрола и превенција на болести на САД, нуди насоки како да се однесувате кога се грижите за некој кој има КОВИД-19:
- Болното лице мора дас е изолира од останатите членови на семејството
- Ако е можно треба да користи одделен тоалет и спална соба
- Сите домашни, треба да одржуваат физичко растојание од лицето кое има КОВИД-19, колку е тоа можно.
Лицето кое е болно, мора да биде во карантин најмалку 14 дена од денот на добивање на позитивниот тест, а и подолго ако се работи за компликации.
Д-р Брус Хирш, стручњак за инфективни болести додева дека физичкото растојание од болното лице е начин што помалкуд ас е изложувате на вирусот,а постоја и докази кои зборуваат дека оние кои се заразуваат преку голем број на вируси (количина на вирусот), имаат и потешка форма на болеста. На лицето за кое се грижите носете му храна и се потребно, но избегнувате подолг контакт.
ОТВОРЕТЕ ПРОЗОРЦИ
За да овозможите да влезе свеж воздух во просторијата, постојано отворајте прозори, дури и ако тоа значи дека морате да го засилите греењето. Тоа е важно, оти вирусот може да се задржи во просторијата, па ќе ја избегнете можноста од инфекција
НОСЕТЕ МАСКА
Лице кое има КОВИД-19 мора да носи маска кога е во близина на други лица, а кој и да живее со тоа лице, исто така мора да носи маска во иста ситуација.
Маската ќе го задржи вирусот кој се наоѓа во устата и во носот, а новите податови укажуваат дека маската штити и од инфекција. Иако не значи стопостотна заштита, со носењето секако може да ги намалите шансите да се заразите.
“Медицинската маска е добра заштита ако правилно се носи, а платнената е подобра отколку никаква“, додава Хирш.
МИЈТЕ ГИ РАЦЕТЕ И ДЕЗИНФИЦИРАЈТЕ ГИ ПОВРШИНИТЕ
Стручњаците советуваат да ги миете рацете што е можно почесто со вода и сапун, најмалку 20 секунди, користете гел за дезинфекција или марамчиња, доколку не ви е достапен сапун.
Потребно е со раце да не се допира лицето, устата, носот и очите. Хирш додава дека е потребно чистење и на тврди површини секој ден, како што се маси, рачки, мијалници, далечински управувач…
ЈАДЕТЕ ЗДРАВО
“Важно е да се јадат здрави намирници и да се внимава на телесената тежина, што не е лесно во текот на оваа пандемија поради стравот и големата количина на стрес. Знаеме до денес дека некои лица се во ризични групи, а многу може да се направи ако негуваме здрави навики“, додава лекарот.
РАЗГОВАРАЈТЕ СО ПРИЈАТЕЛ
Пријателите и семејството можат да бидат одлична помош ако сакате да разговарате со некого за овие тешки моменти. Ако некој од вашето семејство има КОВИД-19, нормално е дека ќе доживеете различни емоции – од страв, депресија до чувство на осаменост – што може да биде тешко.
„Разговорот за овие чувства може да ви помогне и да ја подобри вашата физичка и емоционална состојба“, додава Браунстеин.
