Листовите од морков имаат малку горчлив вкус, но се исклучително добри за нашето здравје и можете да ги додавате во супи, салати, песто сос и слично. Полни се со хлорофил, кој делува детоксифицирачки на црниот дроб и целото нашето тело. Според некои истражувања помагаат во спречување на ракот и развојот на тумори и се полни со антиоксиданти. Најлесно е да се консумираат измешани со некој посладок сок, како сок од јаболка. Содржат многу витамини и минерали, а дури имаат и повеќе витамин К отколку кој било друг зеленчук, а тоа е мошне важен витамин кој помага и при исеченици, модрици…
Листовите од морков не се отровни, како што некои мсилат, но содржат фурокумарин – кој може да предизвика блага алергиска реакција кај некои луѓе. Консумирањето листови од морков е добро затоа што содржат и многу калиум, важен за кардиоваскуларното здравје. Самите листови содржат и до 6 пати повеќе витамин Ц од самиот корен.
Делуваат и како диуретик и важни се кога е во прашање исфрлањето на вишокот вода од телото, делуваат антисептички, против лош здив, болни непца и забоболка. Од нив може да се направи и чај кој е одличен за чистење на организмот особено ако имате проблеми со уринарниот тракт или камења во бубрезите.
