Музиката влијае на изборот на храна, ако е гласна ќе нарачате брза храна!

Научниците откриле дека колку музиката е погласна во рестораните и супермаркетите, толку почесто бираме помалку здрава, односно брза храна.

Неодамнешна американска студија истражувала како музиката влијае на тоа која храна ја бираме да јадеме. Имено, научниците откриле дека колку музиката е погласна во рестораните и супермаркетите, толку почесто бираме помалку здрава, односно брза храна.

За да дојдат до овој заклучок научниците ги анализирале нарачките на муштериите во еден ресторан во Стокхолм, додека музиката била погласна, но и потивка. Се покажало дека 52 проценти од гостите порачувале брза храна кога музиката била погласна, додека кога била поблага, овој процент бил понизок, некаде околу 42 %.

Колку некое место е погласно толку нашиот мозок е под поголем стрес, а тоа влијае на нашиот избор на храна. Кога музиката е потивка имаме потполна свест за сопствениот избор на храна, така што сме склони на тоа да одбираме поздрава храна, како што се, на пример, салатите.

 

Погласната музика не возбудува, односно го забрзува срцевиот ритам и не наведува да консумираме повеќе храна и пијалаци. Рестораните и супермаркетите на овој начин преку музиката можат да влијаат на однесувањето на муштериите и евентуално да го зголемуваат својот профит.