Ракот на јазик е болест која почесто се јавува кај мажите, во однос на жените. Најчесто се среќава кај лица кои прекумерно конусмираат алкохол и кои пушат. Постојат одредени симптоми кои може да укажуваат на евентуална појава на рак на јазикот, кои доколку се забележат треба да побара лекарска консултација.
Афти (чиреви) на јазикот
Појавата на афти (чиреви) на јазикот кои не може да бидат елминирани со помош на вообичаени лекарства е еден од првите симптоми за појава на овој вид на карцином. За да се разграничат чиревите, кои може да означуваат рак на јазикот од афтозен стоматит (поврзан со херпес), важно е да се обрне внимание на нивото на болката и нејзиното траење.
Болка
Болката причинета од оваа форма на рак се чувствува не само во областа на јазикот. Болката може да се појави во целата усна шуплина и фаринксот (голтник). Таа болка може да се јави при пиење и при џвакање на храната.
Појава на наслаги или дамки на јазикот
Овие дамки може да бидат друг сигнал за рак на јазикот. Бојата вообичаено им е бела (леукоплакија) или црвена (ертироплакија) и тие не поминуваат со недели. Доколку откриете такви дамки на јазикот, важно е да се консултирате со лекар и да ја дознаете причината за тоа. Можеби во таква состојба ќе се направи биопсија за утврдување на точната дијагноза.
Непријатна миризба од устата
Овој симптом вообичаено се надополнува со лош здив. Четкањето на јазикот со четка за заби дава само привремен ефект. Непријатната миризба повторно се враќа.
Крвавење на јазикот
Крвавењето во делот на јазикот често се заменува со крвавењето од непцата или рани во устата. Многу е важно точно да се определи изворот на крварење.
