Семки од сончоглед – незаменлива здрава ужина

Само 30 грама сончоглед обезбедуваат повеќе од 60 % од дневната потреба на витамин Е.

Семето од сончоглед и докажано е најздравата ужина, која освен што го заситува организмот, во исто време му обезбедува хранливи материи, витамини и минерали за негова заштита.

Во 35 грама семки сончоглед има протеини 7,27 г, јаглехидрати 7 г, масти 18 г, влакна 3 г, витамин Е 12,30 мг, бакар 0,65 мг, витамин Б1 0,52 мг, манган 0,68 мг, селен 18,55 мкг, фосфор 231 мг, магнезиум 113,75 мг, витамин Б6 0,47 мг, фолна киселина 79,45 мкг, витамин Б3 2,92 мг и околу 200 калории.

Поради содржината на витамин Е и фолна киселина, сончогледовото семе го подобрува функционирањето на кардиоваскуларниот систем. Само 30 грама сончоглед обезбедуваат повеќе од 60 % од дневната потреба на витамин Е. Овој суштински витамин врши важна антиоскидантна функција и може да помогне во намалувањето на ризикот од рана смрт од кардиоваскуларни болести.

Витаминот Е помага при неутрализација на слободните радикали за да се заштити здравјето на мозокот и на клеточните мембрани. 

Семките од сончоглед содржат високо ниво на фитостероли, кои имаат физички својства слични како холестеролот потребни за поддршка на здраво ниво на холестерол.

Истовремено 30 грама сончоглед обезбедуваат повеќе од 25 % од препорачаната потребна дневна доза на магнезиум, кој служи како заштита на вашиот мозокот, срцето и мускулите.

Содржи селен кој е моќен антиоксидант и одлична заштита на здравјето на тироидната жлезда. Истражувањата откриле дека игра улога како антиоскидант, а неодамна е идентификуван дека има клучна улога во метаболизмот на тироидните хормони. Селенот, исто така, е познат по својата способност да поттикне поправање на ДНК оштетени клетки.

Освен како ужина, семките од сончоглед може да се конусмираат сурови, печени со малку зачини, како додаток на салати, јадења или во форма на намаз и путер.