Сурутката е намирница која хидрира, ја ублажува иритацијата и чешањето на темето. Го отстранува првутот и помага за обновување на кожата на темето бидејќи делува антибиотски. Важно е да се втрие во темето, но и да се нанесе долж целата коса.
Рецепт 1
Помешајте 1 шолја сурутка со 1 јајце. Изматете добро, па таа смеса втријте ја на темето и преку целата коса. Завиткајте ја косата и прицврсте ја со шнола и оставете да делува половина час. Измијте ја косата со шампон (најдобро два пати), а може да употребите и малку свеж сок од лимон за да ја отстраните миризбата од сурутката.
Во сурутката додадете и неколку лажички бибер, кој е многу ефикасен во борбат против првутот, нанесете на косата како маска и оставете да стои еден час. Измијте ја со шампон.
Рецепт 2
За да спречите појава на првут, одлично делува комбинација од лимонов сок (може да користите и сушена кора од лимон во прав) и сурутка. Нанесете ја смесата на темето и оставете да делува 15-30 минути, па измијте ја косата.
Јаболковиот оцет сам по себе е ефикасн лек против првутот, но во комбинација со сурутката е уште поефикасен. Мешавината од овие две течности држете го на темето од 30 до 60 минути пред миење.
