Срцевите болни ова мора да го знаат: Летото е посебно опасно за вас, еве како да се заштитите

На срцевите болни им се советува за време на жештините во текот на летото надвор да излегуваат само наутро и навечер.

Наглите промени во атмосферскиот притисок можат кај некои да предизвикаат срцев удар, особено оној кој ја зафаќа десната коронарна артерија. Тоа е многу почесто во лето отколку во зима. Атеросклерозните промени на вените, кои се се поизразени како старееме ја намалуваат способноста на организмот да се адаптира на високи температури и нагли промени.

Што се случува со телото и како да му се помогне на организмот

При наглите температурни промени, на какви сме сведоци во последните години, може да дојде до инфаркт затоа што на топлина крвните садови се шират, со што се намалува крвниот притисок, а се забрзува работата на срцето. Промената на крвниот притисок и пулсот често може да доведе до слабост и губење на свеста.  На срцевите болни им се советува во текот на виоските температури и летните месеци да излегуваат само наутро и навечер, а во текот на денот да престојуваат во разладени простории. Разликата меѓу температурата надвор и внатре не би требало да биде поголема од седум степени.

Она на што треба да се посвети внимание е да се пијат доволно течности, да се јаде умерено и сезонско овошје и зеленчук. Пропишаната терапија треба редовно да се зема, а не е лошо да се направи и консултација околу евентуална промена.  Пациентите кои земаат лекови за мокрење би требало дополнително да пијат течности и да ги надоместат електролитите кога со сето тоа и засилено се потат, затоа што постоечката болест може да се влоши. Може да дојде до намалување на циркулаторниот волумен и поголема густина на крвта, што потенцира појава на тромбоза и инфаркт.

Како да се препознае дали дошло до влошување на болеста

Посебно внимание е потребно кај земањето диуретици, кои поттикнуваат излачување на водата од организмот. Тие лекови, спротивно на верувањето, не ја исфрлаат водата, туку солта, а со оглед на тоа дека во лето потребата за диуретици е обично намалена поголема потреба за нив може да укажува на влошување на болеста. Личностите со хипертензија би требало да внимаваат на притисокот во текот на летото. Притисокот треба почесто да се мери и ако се забележува дека вредностите се намалени треба да се појде на лекар и да се смени терапијата. Можеби би требало да се намали дозата на лекоите за да се спречи појава на пренизок притисок и губење на свеста. Многу течности ќе помогнат во подобра регулација на притисокот.

Проблемите со бубрезите, исто така, бараат внимателност од високите температури

Одбегнувајте престој на отворено во време кога температурте се екстремно високи и водете дневник на притисокот. Имајте на ум дека топлината е напор за бубрезите. Оние кои имаат акутна инфекција или преболеле акутна болест или операција, исто така, треба да одбегнуваат изложување на топлина.