Многу нутриционисти препорачуваат протеинска диета затоа што така се забрзува метаболизмот, се намалува апетитот и се зголемува работата на хормоните кои ја регулираат телесната тежина. До сега се сметало дека протеинската диета се базира на месо, но пронајдена е намирница која содржи многу повеќе од овој нутритиент отколку пилешкото и јунешкото месо и јајцата. Еве за што станува збор:
После водата протеините се најзастапена сусптанца во телото и мошне е важно да се одржува тој баланс. А за тоа не е потребно во исхраната да внесувате големо количество месо, напротив, сето можете да го надоместите и со оваа веганска намирница – спирулината.
Спирулината содржи 57 г протеини во 100 г. Заради тоа ја нарекуваат суперхрана. Наспроти неа во јунешкото месо има 26 г протеини, а во истото количество свинско и пилешко само 31 г.
Спирулината е модрозелена алга, таканаречена цијанобактерија, која е преполна со железо, витамин Б и различни минерали. Една лажичка сушена спирулина содржи:
- 4 г протеини,
- 11 % од препорачаната дневна доза на витамин Б1 (тиамин),
- 15 % од препорачаната дневна доза на витамин Б2 (рибофлавин),
- 4 % од препорачаната дневна доза на витамин Б3 (ниацин),
- 21 % од препорачаната дневна доза на бакар,
- 11% од препорачаната дневна доза на железо.
Она што е најважно – протеините од спирулината многу лесно се апсорбираат, односно многу полесно отколку од јајцата и месото затоа што оваа намирница полесно се вари. На пазарот може да се најде во форма на капсули, во прав или сушени ливчиња.
