Тешко може да и се оддолее на брзата храна која често мами со изгледот, мирисот и вкусот. Освен што дебелее брзата храна има уште една голема мана: трансмастите се главен виновник за проблемите со холестеролот, срцето, но и депресијата. Научниците докажале дека нездравата храна може да овозможи моментално задоволство и утеха, но на долг рок остануваат само лошите последици. Затоа постојат и намирници кои содржат супстанци кои докажано ја враќаат насмевката на лицето и ги усреќуваат луѓето.
Јајца, банани, пиперка
Јаткастите плодови, пилешкото и јајцата придонесуваат за внесот на триптофан, кој се претвора во серотонин, хормон кому можеме да му бидеме благодарни за доброто расположение. Потполно иста работа за претворање на триптофанот во серотонин обавува и витаминот Б6, но освен тоа помага и за подобра работа на мозокот и нервниот систем. Го има во бананите, пиперките, зелката и брокулите. За насмевката од уво до уво придонесува и редовниот внес на есенцијални витамини и минерали. Еден од нив е и магнезиумот, а се крие во бадемите, семките од сончоглед и спанаќот. Магнезиумот е одличен сојузник кај проблемите со спиењето, што, исто така, е корисно за луѓето кои се борат со депресијата. А омега-3 масните киселини најчесто се поврзуваат со борбата против депресијата.
Замена за шеќер
Едно јаболко на ден навистина го брка докторот од вас затоа што содржи 4 грама влакна, 159 г калиум, 8 мг витамин Ц и само 81 калорија.
Интегрални житарки
Три четвртини шолја житарки има околу 800 микрограми фолати, витамини од Б групата која им недостасува на многу луѓе кои патат од депресија.
Нагло дебелеење
Депресијата и дебелеењето се поврзани. Анксиозните луѓе често утеха бараат во брзата храна или шеќерите, што дополнително го влошува расположението затоа што утехата е само моментална. Неколку рунди алкохол може да го поткренат расположението, но долгорочно оставаат безволност, замор, па и тромавост и мамурлак.
Масла
Рибиното масло особено позитивно влијае на мозокот, па омега-3 масните киселини се препорачуваат кај депресијата. Добрите киселини извлечете ги од скушите, сардините и лососот.
Функционална храна
Брокулата изобилува со фолна киселина која го поткрева нивото на серотонин во мозокот. Ја содржат и леќата, грашокот, аспарагусот и блитвата.
